Aste Santuko plater tipikoa gure herrian, karakolak saltsan jateko tradizioa, Ostegun Santuan elkarteetan karakolak prestatzea ohitura zen garaikoa da.

Joan den ostegunean, Botarri jatetxeko Txemari Esteban eta Astelena jatetxeko Peio Doyharzabalen eskutik, errezeta tradizional hau prestatzen ikasteko aukera izan genuen, baina lasai parte hartzeko aukera izan ez bazenuten, gaurko artikuluan laburpen txiki bat bait dakarkigu eta lerro hauen amaieran ikastaroaren bideoa ikusi ahal izango baituzue.

Errezeta hau prestatzeko osagai hauek beharko ditugu:

–  250 karakola (8 pertsonentzat)

– Ura 

– Erramu-orri bat 

– 2 kg. tomate udarekara 

– 4 piper berde 

– Pikillo pote bat

– 6 baratxuri 

– 2 azenario 

– Txorizeroaren mamia 

– Txorizo mina 

– Hirugiharra 

– Urdaiazpikoa 

– Gindilla minak 

Hauek dira barraskiloak saltsan prestatzeko urratsak:

1. Moztu zati txikitan piperrak, azenarioak eta baratxuriak, eta sofreatu, bigundu arte.
2. Gehitu pikillo piperrak eta piperminak eta kozinatu 5 minutuz.
3. Gehitu tomateak zati txikietan moztuta, eta utzi kozinatzen 10-15 minutuz, gutxi gorabehera.
4. Irabiatu barazkiak eta gehitu piper txorizeroaren haragia.
5. Beste lapiko/zartagin batean, frijituurdaiazpikoa, hirugiharra eta txorizoa, zati txikitan moztuta.
6. Gehitu urdaiazpikoa, hirugiharra eta txorizoa tomate-saltsari.
7. Gehitu karakolak (aldez aurretik garbituta) eta ura, eta utzi saltsan egosten ordu erdi inguruz.

Eta prest egongo da gure errezeta!

Dena den, hemen utziko dizuegu ikastaroaren bideoa, urratsez urrats jarraitu ahal izan dezazuen.