Urte-sasoi honetan etxean egindako zopa beroak dastatzea bezalakorik ez da. Eta haiek prestatzeko milaka errezeta daude, osagaiak konbinatzeko aukera amaigabeak.
Izan zopa tradizional edo errezeta berritzaile, denek dute zerbait komunean: barazki eta produktu freskoen erabilera. Hori da gako nagusienetako bat. Galdeiozu Tolosako Azokako edozein ekoizleri: ziur bakoitzak izango dituela bere gomendioak.
Gaurko artikuluan, belaunaldiz belaunaldi ia aldaketarik gabe mantendu diren zopa klasikoenen errezetak bildu ditugu, errezeta sinpleenek ere emaitza oso goxoa izan dezaketela frogatzeko.
Haragi-salda
Bere horretan jaki goxoa izateaz gain, haragi-salda gure zopak prestatzeko osagai nagusienetako bat da, eta arrozak, saltsak edo gisatuak egiteko ere balioko digu.
Barazki salda on bat egiteko, ezinbestekoa da mota askotako barazkiak gehitzea, zapore bizia eta goxoa emango baitiote.
Osagaiak:
– Txahal / oilasko haragia, kg. erdi.
– Ukondo / urdaiazpiko hezur 1
– 2 porru
– 2 azenario
– Tipula 1
– 2 koilarakada oliba-olio
– 3 litro ur
– Perrexil frexkoa
– Gatza
Elaborazioa:
- Barazki guztiak garbitu, zuritu eta zatitu zati handitan.
- Lapiko handi batean, oliba-olioa gehitu eta barazkiak eta haragia suezitu.
- Gehitu ura, hezurra eta gatza, eta sua maximoraino igo. Irakiten dagoenean, sua jaitsi eta su motelean egosten utzi, 2-3 orduz.
Oso erraza da! Prest izango dugu gure haragi-salda, bere horretan hartzeko edo beste errezeta batzuetan erabiltzeko.
Baratxuri-zopa
Osagaiak (4 perts.):
– 8 baratxuri
– 8 ogi xerra | Zopako ogia
– 2 litro salda/ur
– 4 koilarakada oliba-olio
– 4 arrautza
– Gatza
Elaborazioa:
- Moztu baratxuria xerra finetan, eta lapiko handi batean oliba-olioarekin frijitu.
- 8 ogi-xerrak moztu eta baratxuriarekin batera frijitu.
- Salda/ura eta gatza gehitu, eta utzi su altuan egosten 15-20 minutuz.
- Arrautzak gehitu eta nahastu, saldarekin ondo nahastu dadin.
Eta prest! Gure baratxuri zopa prest izango dugu horrela. Oso goxoa da, hamaiketako eta afaritarako aproposa.
Porrusalda
Osagaiak (4 perts.):
– 3 porru handi
– 2 patata ertain
– Tipulin 1
– 3 azenario ertain
– 1,5 litro salda / ur
– 3 koilarakada oliba-olio
– Gatza
Elaborazioa:
- Porruak, tipulinak, patatak eta azenarioak garbitu eta zuritu. Zurituak daudenean zati txikitan txikitu.
- Lapiko handi batean oliba-olioa gehitu, su ertainean jarri eta zatitutako barazkiak sueztitu.
- Gehitu salda / ura eta igo sua maximora. 20 minutuz egosi.
- Barazkiak samurtu direnean, gatza gehitu eta 10-15 minutuz utzi atseden hartu dezan (zaporea hartzeko).
Eta listo! Prest izango dugu gure porrusalda, zaporetsua bezain elikagarria.
Tipula zopa
Osagaiak:
– 3 tipula
– Ogi erdia
– 1,5 litro oilo-salda
– 50 gramo gazta birrindu
– Baratxuri 1
– Oliba-olioa
-Gatza
-Perrexila
Elaborazioa:
- Moztu tipula juliana eran eta sueztitu oliba-olioarekin 20 minutuz.
- Salda gehitu eta beste 15-20 minutuz egosi.
- Ogia xerratu eta labean sartu, txigortzeko.
- Ogi txigortua atera, baratxuriarekin igurtzi eta gazta birrindua jarri gainean. Gazta gratinatu arte berriro laberatu.
- Zopa platereratu eta ogia gainetik jarri.
Eta prest izango dugu prestatu dezakegun zopa gozoenetako bat!
Gogoratu gainera, errezeta hauek kozinatzeko osagai fresko guztiak Tolosako Azokan eros ditzakezuela.
