Baina, zein ezberdintasun dute gazta berriek beste gaztekin alderatuta?

Duela gutxi lortutako esnearekin egiteaz gain, alderik nabarmenena gaztak ontzeko denbora da, gazta berriak denbora gutxiagoz egon baitira heltzen.

Horregatik, hain onduta ez daudenez, ez dute hain zapore bizia. Testura delikatuagokoa dute, krematsuagoak edo mantekosoagoak dira, eta zapore laktikoagoak izaten dituzte.

Noiz arte eros daiteke gazta berria?

Gazta berria benetako harribitxia da gaztaren maitale guztientzat. Baina denboraldi hasieran soilik eros daiteke, inauterien inguruan, eta denbora mugatuz izaten da, apirilaren hasierara arte gutxi gorabehera.

Batzuek nahiago izaten dituzte sasoiaren erdialdekoak, indar handiagoa hartzen hasiak direnean. Argi dagoena da denbora labur eta zehatz batez bakarrik goza daitezkeela.

Zer beste gazta mota aurki ditzakegu Tolosako Azokan?

• Ardi gaztak: Ardi latxaren esnearekin egindako gazta samurrak dira, usain, intentsitate eta zapore paregabekoak. Oso testura krematsua dute, eta ezin hobeak dira eguneko edozein unetan erabiltzeko.
• Ahuntz-gazta: Ahuntz-esnearekin egindako gaztak oso krematsuak eta zapore bizikoak dira. Proteina ugari ditu, eta, ondorioz, oso gazta aberatsa da.
• Gaztanbera: Gazta granulatu mota bat da, beste elaborazio-prozesu batetik lortzen dena: hartziduratik eta esne-gatzura egostetik lortzen da. Bere testura bereizgarriari esker, askotariko errezetetan funtzionatzen du.
• Gazta freskoa: Ur askoko gaztak dira. Kolore zuria dute eta testura bigunekoak dira. Epe laburrean kontsumitu behar dira, ez daudelako onduta. Oso freskoak eta arinak dira. Bakarrik kontsumitu daiteke, baita errezeta askotan erabili ere, gozoetan nahiz gazietan.
• Behi-gazta: Behiek ardiek eta ahuntzek baino esne gehiago ekoizten dutenez, mota horretako gazta aukera zabala izaten da. Testura krematsua eta zapore leuna dute ezaugarri. Oso gantz gutxi izaten dute.