Bada errezeta udatiarragorik gazpatxoa baino? Zopa hotz hau egiten oso erraza da, eta osagaiak garaiotan edonon topa ditzakezu, seguru. Hasi dira pixkanaka udako tomate zaporetsuak gurera heltzen, eta horiek izango dira errezeta honetako osagai nagusia.

Udako hilabete beroetan fresko zerbitzatu ohi da plater hau, edozein otordu hasteko paregabea dena. Kolorea laranja zurbiletik gorrira aldatzen da, tomate helduagoak erabili ahala.

Gazpatxoa eboluzionatuz joan da denboraren poderioz, eta gazpatxoaren bertsio ezberdinak badira egun: salmorejo eta ajoblanco izenekoak, besteak beste. Prestatu dugun errezeta erraz honekin, ez duzu huts egiteko aukerarik izango.