Artikulu honetan topatuko dituzun errezetak (egin klik bakoitza ikusteko):

1. Borraja, kardu albardatua eta almejak
2. Bakailao freskoa, azalore krema eta garaiko barazki salteatuarekin
3. Neguko konpota Ibarbi sagarra eta urra izozkiarekin
4. Mamia, gatzari naturalarekin

Borraja, kardu albardatua eta almejak

Osagaiak 4 pertsonarentzat

• 300 gr. borraja
• 2 penka kardu
• 12 almeja
• 4 baratxuri ale
• Perrexil sorta
• Oliba olioa
• 2 koilarakada irin
• 2 arrautza
• Txakolina
• Bikarbonatoa
• Karduaren ura
• Gatza
• Ekilore olioa

1. Urak irakin bitartean, garbitu kardua eta borraja.
2. Barazkiak egosten jarri, bakoitza bere uretan. Borrajak, al dente egoteko bost minutu behar ditu; karduak, berriz, 45 minutu eta ordubete artean.

Gomendioa! Egositakoan, atera eta izotza duen ontzi batera pasa. Modu horretara kolorea mantentzen lagunduko diogu. Bikarbonatoa ere erabil daiteke horretarako.

3. Erregosi baratxuria olioarekin. Koilarakada bat irin bota eta nahasi. Gehitu karduaren ur pixka bat saltsak gorputz pixka bat artu arte. Azken unean gehitu perrexila.
4. Kardua bandeja batean ondo sekatu eta irin-arrautzeztatu.
5. Kazuela batean txakolin pixka bat bota, almejak irekitzeko. Irekitakoan, atera.
6. Beste gomendio bat: almejak barazkiarekin ere egin daitezke, baina baten bat txarra egokituz gero, plater osoa kaltetzeko arriskua dugu. Hortaz, gomendatzen da beste zartagi batean bakarrik egitea.
7. Borraja baratxuriarekin salteatu, eta guztia platereratu.

Bakailao freskoa, azalore krema eta garaiko barazki salteatuarekin

Osagaiak 4 pertsonarentzat

• 4 bakailao fresko tako
• Azalore erdia
• Patata txiki bat zurituta
• 40 gr. gurin
• Piperbeltz zuria
• Gatza
• Olioa
• 8 azenario txiki
• Romanesko erdia
• Kalabaza zati bat
• 4 baratxuri fresko
• 2 baratxuri ale
• Perrexila

1. Azalorea eta patata irakin, gatz eta olio apur batekin. Bitartean, gainerako barazkiak zati txikitan moztu.
2. Azalorea egosita dagoenean, soberan duen ura kendu eta turmixetik pasa, krema egiteko. Gurina eta piperbeltz zuria gehitu.
3. Bakailaoa plantxan egin, oliba olio txorrota batekin.
4. Zartagi batean, gainerako barazkiak salteatu.
5. Frijitu baratxuriak eta bakailao gainean bota, perrexila gainetik gehituta.
6. Platereratzeko, jarri krema lehenengo, ondoren bakailaoa eta alboan barazkiak.

Gomendioa: orotariko barazkiak bota ditzakegu. Josuk eta Amaiak ondo erakutsi ziguten moduan, dozenaka azalore espezie daude, eta gustukuenak erabil daitezke. Kasu hoetan, zuria erabili da krema egiteko, eta morea salteatzeko, platerari kolore apur bat ematearren.

Neguko konpota Ibarbi sagarra eta urra izozkiarekin

Osagaiak 4 pertsonarentzat

• 12 Ibarbi sagar
• 200 gr. mertxika lehor
• 200 gr. piku lehor
• 200 gr. aran pasa
• 200 gr. mahats pasa
• Bainila edo kanela makila
• 300 gr. azukre
• 3 litro ur
• Urra izozkia

1. Ontzi batean bainila edo kanela makila azukrearekin jarri eta gehitu 3 litro ur. Jarri egosten.
2. Ura irakiten hastean, mertxika, piku, aran pasa eta mahats pasak gehitu. 
3. Bitartean, sagarrak zuritu eta zati txikitan zatitu.
4. Ontzian dagoena hidratatzean, sagarrak gehitu eta su baxuan utzi 40 minutuz. Nahasi noizean behin.
5. Denbora hori pasata, ontzitik atera eta epeltzen utzi.
6. Platereratzeko, jarri azpian konpota eta gainean gehitu izozkia.

Mamia, gatzagi naturalarekin

Osagaiak

• Litro 1 ardi esne
• Gatzagi naturala
• Gatza

1. Esnea ontzi batean egosten jarri.
2. Birrindu gatzagia ur epelean, eta esneak irakin bitartean utzi.
3. Esneak irakiten duenean beste ontzi batera atera hoztu dadin. Orduan, gatza gehitu. Irakiteko tenperatura egokiena 40ºC da, gutxi gora behera.
4. Gatzagia iragazi ontzitxoetara, eta esnea gehitu. Garrantzitsua: ez ukitu mamia eginda dagoen arte!

Gomendioa: Azukrea, eztia, intxaurrak, izozkiak, polena, sagar konpota edo beste hamaika osagairekin jan daiteke mamia. Aukeratu gustukoena!