Azokara bazatoz kontutan hartu beharrekoak - Tolosako Azoka

Azokara bazatoz kontutan hartu beharrekoak

#Azoka lagunak
Ez despistatu gero! Covid-19ak hankaz gora jarri du orain arte normaltzat jotzen genituen dozenaka egoera, tartean, Tolosako Azokaren antolaketa bera. Gogoan izan, derrigorrezkoa izango dela, aurrerantzean, neurri hauek errespetatzea.

Hiru ez, bost gune daude orain

Azken hamarkadetan hiru lekutan kokatu da azoka: Zerkausian, Berdura Plazan eta Euskal Herria Plazan. Orain bi leku gehiago daude: Trianguloa eta San Frantzisko pasealekua.

  1. Zerkausian: barazkiak, esnekiak, fruituak, fruta, gozo eta ogiak, perretxikoak, arrautzak, babarrunak, txerrikiak, kontserbak, eraldatuakā€¦
  2. Berdura Plazan: barazkiak, haziak, landareak eta loreak.
  3. Euskal Herria Plazan: barazkiak, frutak, bakailoa, gozo eta gozokiak, fruitu lehorrak.
  4. Trianguloan: barazkiak, ogiak eta gozoak.
  5. San Frantzisko pasealekuan: ehungintza.

Sarrera eta irteera

Zerkausian, Berdura Plazan eta Euskal Herria plazan, sarrera eta irteera puntuak daude. Jarraibideak errespetatu:

  1. Zerkausia: sarrera Gaztelako arku ondotik; irteera Nafar Zubitik.
  2. Berdura Plaza: sarrera Korreo kaletik; irteera Kale Nagusitik.
  3. Euskal Herria Plaza: sarrera Rondilla kaletik; irteerak Antonio Lekuona eta Andia kaleetatik.

Segurtasun neurriak

Tira, kalean erabiltzea beharrezkoa da, baina gogoraraztea ez dago soberan: musukoa erabiltzea derrigorrezkoa da. Eta, guztion segurtasunerako, gogoan izan 1,5 metroko tartea errespetatu behar dela.

Izan berdeago!

Gazteleraz beste esanahi bat izan badezake ere, ez gara horretaz ari. Ohitura jasangarriak izateaz ari gara, ingurumena babesten lagun dezagun. Erabili poltsa berrerabilgarriak, Azoka Lagunen poltsak bezalakoak, adibidez. Arrautzak erosteko, ekarri etxetik kaxa huts bat. Gazta, irasagarra, edo antzerakorik eramateko, berriz, ekarri ontziak etxetik eta beteta eraman.

Azokara etortzea, azokakoa jatea bezain osasuntsua eta segurua baita. Egin bertakoaren alde!