Mª Teresak kontatu digu ama izan zela azokako ogibideari heltzen lehena, Bretxako merkatura joaten baitzen. Harrezkero, etxean negutegia egin zuten ofizioan jarraitzeko asmoz, eta gaur egun senar-emazteak eta semeak aritzen dira, bai hazkuntza lanean eta baita ere saltzen. Fruta eta arrautzak ere ekartzen dituzten arren, batez ere barazkiak saltzen dituztela dio, jendea horrexen bila etortzen omen da.