Joxepi zortzi urte zituenetik etortzen da azokara, amaren eta aitaren aldetik, bietatik baitzetorkion horretarako ohitura. Guztira 60 urte baino gehiago daramatza. Etxeko barazkiak ekartzen ditu postura, botikarik gabe haziak, eta asko ez bada ere denetik ekartzea gustatzen zaio. Bere baratzeko onenaz galdetuta, esaten du porrua eta baina saltzen dituela gehien. Amak erakutsi omen zion baratza lantzen, horixe omen da duen titulua, eta horregatik daki ondo zein garaitan zer landatu.